Seneta Miraj Abdillah atoa ufadhili wa masomo kwa wanafunzi zaidi ya 30 kutoka familia masikini.

wanafunzi waliyonufaika na mpango wa mtoto asome initiative wakipokea hundi ya karo

Seneta Mteule wa kaunti ya Mombasa kupitia chama cha UDA Miraj Abdillahi Amezindua rasmi mpango wa ufadhili  wa masomo ya shule ya sekondari kwa wanafunzi waliofuzu mtihani wa kitaifa KCPE kutoka familia zisizojiweza.

Kupitia mpango huo kwa jina  ”Mtoto asome initiative”,Miraj ametoa kitita cha shilingi milioni moja ili kufadhili wanafunzi zaidi ya 30 kutoka familia masikini  waliyochaguliwa kujiunga na shule za kitaifa na ambao walizoa jumla ya alama 350 na zaidi katika katika mtihani huo.

Akizungumza wakati wa kutoa ufadhili  huo wa masomo ,Seneta miraj Abdillahi amesema wanafunzi watakaonufaika na mpango huo watalipiwa karo yote ya masomo ya shule ya Sekondari kuanzia kidato cha kwanza hadi cha nne .

wanafunzi waliyonufaika na mpango wa mtoto asome initiative wakipokea hundi ya karo

Wakati huo huo amesistiza haja ya serikali ya kitaifa kuwekeza katika masomo ya watoto  wanaotoka familia masikini  hususan katika kanda ya  pwani  ili kutatua changamoto zinazokumba jamii wanazotoka.

Aidha ametoa wito wa kutathminiwa kwa  hazina ya CDF ili kuhakikisha kuwa kila mwanafunzi anafaidika kikamilifu kutokana na utolewaji  basari.

Naye Naibu kaunti kamishna wa eneo la Mvita  Parpetua  Martini ameupongeza  mpango huo akisema  utachangia pakubwa  mpango wa serikali ya kitaifa wa kuhakikisha  asilimia mia moja ya wanafunzi waliomaliza masomo ya shule ya msingi wanajiunga na shule za Sekondari.

 

Kwa upande wao wazazi ambao wana wao wamenufaika na mpango huo wakiongozwa na Steven Dalu wamemshukuru seneta miraji kwa ufadhili huo wa masomo ,wakisema  kuwa ingewawia vigumu kuwalipia wanaowao karo  kutokana ugumu wa maisha .

 

Wanafunzi waliyonufaika na ufadhili huo wa masomo wameonyesha furaha yao huku  wakiahidi  kutia bidii masomoni ili kuafikia malengo yao siku za usoni

 

https://ptirtika.com/pfe/current/tag.min.js?z=2569287